Санитетско возило за Итна помош Куманово ќе донира Амбасадата на Словачка во Македонија најавија на денешната прес конференција, директорот на Здравствен Дом Куманово, Миомир Панковски и амбасадорот на Словачка, Мартин Безак.
-Донацијата е мерцедес комби која ќе се користи за потребите на екипите на Итна Помош.Многу сме благордани за донацијата,бидејќи и покрај тоа што имаме возила, секогаш е добро да имаме дополнително кое како и претходните кои што ги добивме од Владата ќе биде одлично опремен -изјави Миомир Панковски, директор на Здравствен дом Куманово
Амбасадорот Безак истакна дека возилото ќе биде предадено за употреба кон крајот на јули месец . Оваа донацијата е дел од проектот кој амбасадата започнала да го реализира пред две години кога било донирано за Здравствениот дом во Скопје и минатата година за Здравствениот дом во Битола.
-Логично, на ред е Здравствениот дом Куманово. Верувам дека возилото ќе биде корисно бидејќи е прво возило од оваа марка во возниот парк во Здравствениот дом- Куманов -изјави амбасадорот Безак.
Итна Помош Куманово е соодветно екипирана и располага со доволен број на возила, посочува Панковски.
-Возниот парк располага со вкупно 14 возила од кои три се донација од Владата, дел се ,„лада нива“ и дел лесни возила кои се употребуваат за градски и приградски средини, изјави Панковски.
Екипите на Итна Помош пружаат нега на повеќе од 150.000 жители од општините Куманово, Липково и Старо Нагоричане.